گلنيگ بير مصلحت ايندي قيله لينگ                       كيم اولـه آتــادن اونــي  آلاليـــنگ

آپارالينگ اوني صـــــــحراي يال قوز                         بيله الدره ليـــنگ كـــيم اوچسه يولدوز

سالوب بير قبره اوستون اورترگ بيز                    اوله كيــم  بو بلادن قــور تارك بـــيز

بير ي يديد ي كم آخرحق گواهدور                        نجـه اولـدره  لينـگ اول بي گناه دور

نه آخر هاموميز وارگ   مسلمــــان                       گنـــاه ســيز طـــفلي اولدرمگي آسان

بيري ديــدي كه تاشلر بــيز دا چــاه                        منم سوزم دوشور شول دوغري راه

مگر يولـــدان گــله بـــير كاروانـــي                       چخــارســـيلر اونـــي چـــاه دن نهاني

اپارسيلر اونــــي بـــير ازگه شـــهره                        قول اتــسيلر اونــي بــير ازگه بهره

ديدي لر بوعجـــب بـير مصلحت دور                     هاموسوندان بـــوياخشي مــشورت دور

بنانــي قـــويـــدلــــراو قوم گمراه                             آتــا لاريــنه  گتــــديـــلر  ســـــحر گاه

ديديـلـــــــــر اي آتا وقــت بــهــــار دور                      چمنـــلر لالــــه زارو مــــرغــزار دور

دوتــــولمش گـونگلمـــر ميرانــلــــــردن                     قـــرالمـــش باغريـــمز غم خانــه لردن

مرخص قيل بيزي سيرانــه گــــــونــــدر                     تمــــاشــــا ايــــتمگه طـــيــرانــه گنـدر

يورگمـــيــــــز آچلســـــون نـالـــلــــردن                     دمـــاغـــمــيز خـــوش السون لاله لردن

يوسفي هـم بــيزه يــولــداش ايت گــــــل                     بيــــزي اوگـــا قــولــو فـرراش ايت گل

ديدي يعقوب گـــيم اونــي قيمــزم مــــن                     اوزمـــدن بـــير جـــه دم آيور مــزم مـن

كه قور خارم كه قورت يااوز گه جانور                    اوني يسون قـالــــوم اونــــــدن مـــكــــدر

ديدي لر كيـي آتا مگـــر اولــــــي بــيـــز                    كـــه بيز لــر هـــاموميز اوننگ قولي بيز

نجه قورت اونـــــي ير بيز پهلــــوان بيز                    ديــمــــه گيم قورت الـــينده نــاتـــوان بيز

كه بيز لـــر هـــربيري بير پهلــــوان بيز                     خيــــال اتـــمــه كـــه يـــار بــي وفـا بيز

آپارور بيز اوني تيز رگ گــلــــور بيــز                     سلامــت ليقـــه ســگــا يـــتـــورور بــي  چـــــــوخ الحاح ايتديلـــرتا اولـدي رازي                    کـه ســـیله چیـــخ سیلرایـد سیله بازی

صباح اولــــدي يوسفه وردي رخصت                         ديـــدي اوگا قيلينــــــــگ مهر ومحبت

كــــــــــه بو طفليم صغير  بي گناهدور                        سيزه تابشودوم اونـــي حـــق گواهد

بير ايگي مشگ سوت دولدورده يعقوب                   بـــير ايگي ســينه سوتدی قند مرقوب

ديدي هر وقت كه سوسيز الدواغلوم                      گرگ بوسوت قندن ايچسه اوغلوم

اوزينگز سو ايچـــنگ او قند شكر                       اونيگ كونگلوني اتــمينك مـــكـــددر

ديـــدي لر ياخشودور گر قويسه الله                      گـــتورور بـــــــيز اونـــــي والله بالله

چه يعقوب ايتدي اوغلوني   روانه                     بــيله شـــعريني اوخـــــودي بيـــخدانــه